其實本來唔打算分開兩篇寫，但係唔知點解響Yahoo! Blog 佢自己腰斬咗我篇野的內容，唯有分開啦！
第3天(Sat, 29th)：早餐：酒店早餐＞早：Let's Relax＞午餐：姐娥＞午：Big C & 林真香＞晚餐：Blue Elephant＞宵夜：芒果糯米飯
呢晚晚飯去食傳統泰菜，屬於高消費架！餐廳係響個度長住的朋友介紹的，但係佢有異性無人性咁甩咗我哋底，搞到食飯四個人變二個（講笑啫，其實佢哋真係有事唔黎得^^”）。唔理，照去！但係少咗兩個人真係有Ｄ問題，之後講點解。
Blue Elephant
地址： 233 South Sathorn Road, กรุงเทพมหานคร 10120
電話：+66 2 673 9353
開放時間：午餐: 11:30-14:30, 晚餐: 18:30-22:30
交通：坐BTS到Surasak
衣著：Smart Casual
講起Blue Elephant 大家都會知道佢好出名，幾乎每本旅遊書都會介紹。不過通常係介紹佢的烹飪班，認真唔平架。雖然唔平，但係質素有保證的，所以就算唔學煮，黎齋食下傳統泰菜都好好。
首先要提一提大家呢度係有Dress Code，所以大家唔好諗住行完街踢拖入黎就算。地點就好好，對住BTS唔驚唔識路。襯返個名，成座都用藍色為主。
入到去招呼好殷勤！大讚！呢度的佈置都好Grand 下，同埋幾舒服，而且好有特色，有好多相片同畫，裱框仲好有泰國特色添。Reception 帶我哋去咗間房仔，有4、5枱左右，但係無論係大廳定房仔都唔會太迫，感覺幾好，唔會覺得講乜野隔離枱都聽到曬。
呢度都幾多遊客，同埋唔淨係得香港遊客。張相矇矇地，因為呢度燈光暗，影得唔清楚，張相係較光咗Ｏ既。不過想俾大家Feel 下呢度的氣氛。
燈光偏暗，但係就每枱都食到燭光晚餐勒。Blue Elephant 響好多地方都開咗分店架啦，衝出亞洲！
唔難發現餐廳入面依然以藍色為主色調。
而且四圍都見到藍色大象的標誌，餐具都用Ｄ銀器，好泰國Feel。
例牌影下餐牌，餐牌的封面一樣有大象標誌
睇住個餐牌就知道淨係得我哋兩個真係唔掂檔，因為大部分的菜色都有隻紅色象仔響隔離，即係辣架！對於唔食辣的懶蟲黎講，選擇無幾呀！
連個醬汁都好吸引，擺到好似風車咁，每款小食用一隻醬汁。
所以我哋放棄咗揀set menu，雖然敗家仔叫D嘢都差唔多係一個set 勒
Set Menu 有兩款，Royal Thai Banquet 同Royal Thai Symphony，有齊前菜，湯，主菜，配菜同甜品。另外仲加咗一款係素菜的。
睇返普通的Menu，餐廳將菜色分成三種Thai Cooking of the Past, Thai Cusine of Today, 同 Thai Kitchen of Tomorrow，咁即係傳統泰菜，今日食開的泰菜，同創意泰菜啦！
- Pearls of Blue Elephant Thai Cusine of Today的小食併盤 一隻辣椒
- Massaman Lamb 一隻辣椒
- 木瓜沙律 兩隻辣椒
- 冬陰功 三隻辣椒
成枱都係杯，係咪好似好High-class 呢?
仲有D橙紅色的Welcoming Drink，頗甜的果汁黎
仲有D橙紅色的Welcoming Drink，頗甜的果汁黎
但係我哋其實係叫咗啤酒同Mocktail, Cheers~
先黎一個醒胃小食，蟹肉黎，仲有個湯，不過一如所料呢Ｄ杯仔湯都係重口味Ｄ，嘻嘻
小食併盤黎喇，份量真係好少… 不過就可以試多Ｄ唔同野。有柚子沙律，福袋，魚餅，釀蟹蓋同沙嗲。
連個醬汁都好吸引，擺到好似風車咁，每款小食用一隻醬汁。
有無發覺好多都係炸野？我最欣賞反而係個沙律，佢係甜甜地的，又有Ｄ酸酸地喎，個味道係超開胃！唔講都知佢係頭盤呀，完全發揮咗佢響呢餐飯應有既作用！
然後就上咗冬陰功同個羊。先講俾懶蟲食的羊，佢放響個陶煱放響爐仔上面暖住，大家慢慢食都唔怕會凍。啱啱上枱好似羅宋湯咁既樣，但係其實佢個汁係好似沙嗲、咖喱一類咁既汁，有少少辣，但係完全係可以接受到的程度，仲有Ｄ甜甜地，好香。
淨係少少羊係咪唔飽？唔緊要，有得配埋飯，仲有兩種，我揀咗白飯，侍應仲好熱心咁叫我不如兩樣都試下。順便俾大家揀真下個汁係咩樣。因為呢個汁太香，我買咗一包返屋企。
到冬陰功勒。話明食傳統泰菜真係唔同Ｄ，點唔同？特別辣！敗家仔話同早兩晚個個無得比。辣得黎佢的味道都好豐富無偷工減料架！恕懶蟲真係無辦法試清楚Ｄ，因為佢的辣度係有三大隻辣椒！三隻辣椒已經好辣佢的辣度真係唔係隨便寫上去。
仲記得敗家仔點咗個木瓜沙律嗎？就係呢個勒，配糯米飯食。呢個對懶蟲都係太辣，敗家仔一個人試完曬一隻、兩隻同三隻辣椒，Comment 就係每多一隻辣椒都真係試得出同少一隻係兩個程度黎。食三隻辣椒的冬陰功都辣到飛起，其實佢仲有四隻辣椒的餸菜架，Set 入面都有，真係唔知點食得入口，叫之前要三思呀！
食飽飽就埋單勒，連到俾錢都離唔開大象。
臨走之前可以響門口好似懶蟲咁買返Ｄ香料，粉粉麵麵又或者紀念品返去。佢個brand 咁出名，其實響超市甚至機場都有得賣佢Ｄ pack 好曬的食材。錯過咗都可以補返買的。
有無發現仲差Ｄ咩呢？咪就係甜品！呢日已經係響曼谷的最後一晚，當然要去食芒果糯米飯。
沒有留言:
發佈留言