聖誕曼谷遊 2012 - 第一天 (1)
第1天(Thu, 27th)：香港國際機場＞早餐:翠華＞曼谷蘇凡納布機場＞酒店 Check-in＞午餐：東方文華下午茶＞晚：Asiatique Riverfront＞晚飯:Baan Khanitha by the River
雖然話口語寫等懶蟲可以快Ｄ交功課，但是就非常咁流水帳加上多左好多廢話！結論都係交唔到功課（唔好掟蕃茄～～～）
出發前一日…
雖然去旅行的次數唔少，但係絕少公眾假期起行。敗家仔好多時唔記得先事網上check-in，揀唔到好位！今次特登提佢要提前check-in，但係到出發前一晚睇，D機位爆到唔清唔楚，咪又因為旺季。成架機的經濟位得返單丁位，仲要得4個。驚死無得上機，都係Check-in咗。最衰敗家仔日頭又出左街Check-in唔到啦，搞到懶蟲又唔多高興。就係咁，我又再次怪罪旺季去旅行。
出發！
坐早機的關係，家住郊區的懶蟲要天都未光就要出發去機場。偏偏響咁Critical的時候鬧鐘無響，好在4點幾有醒過，唔係處於熟睡狀態好可能瞓多咗幾個鐘都唔知。好匆忙咁出門口，急到無化過妝，勁樣衰。不過依然送車尾，搭唔到頭班巴士，唯有坐的士去機鐵站。哇！懶蟲都未試過咁有米坐機鐵仲要打的出機鐵站。今次都係因為Visa訂機鐵飛六折咋！又坐早機，咪任性下，雖然打的個程係一個意外。Btw，依家無咗六折變左做買一送一喇（詳情：http://www.mtr.com.hk/chi/fares_tickets/intro.html）坐機鐵真係快好多，依家啲車仲幾密添。10分鐘唔洗就一班，miss 咗頭班車的懶蟲都可以6:25到機場。敗家仔就慘啲，無得坐機鐡，要勁早起得轉車入機場。坐早機真係有啲辛苦，下次都係聽敗家仔話唔好咁早。
泰航的櫃位響T2，例牌排隊寄行李，入閘,出境。可能係T2所以唔算多人，然後坐無人駕駛去T1食早餐。繼續例牌食翠華早餐，超長龍，今次真係體會到旺季點多人。食下食下發現原來已經7:30，立刻極速ko我杯熱鴦跑去搭無人駕駛。又拔足狂奔到閘口。好在61號閘響wing頭，但係已經final
call緊。搞到連指定嘅閘口相都影唔切就上左機。
call緊。搞到連指定嘅閘口相都影唔切就上左機。
香港＞曼谷
未瞓醒嘅懶蟲傻下傻下，明明G係路口位仲要淨返呢個吉位仲懷疑坐錯位。航班繁忙的關係乘客上曬機坐低就開，超級趕。今日天氣好似麻麻地，呢架機都幾chok。起飛之後又有兩次氣流帶。另一個旅遊旺季的特色係多細路，其中後面外國兄弟就極嘈。好在佢地起飛之後收斂咗，或者可能係懶蟲睇馬達加斯加3開太大聲遮曬嘅緣故，whatsoever～
早餐有炒麵同煎蛋卷。仲飽到上心口嘅懶蟲當然揀咗貌似無咁飽嘅蛋，咁咪同我份翠華早餐一樣?! 其實入面仲有啲薯仔蕃茄同雞肉腸。餐包就真係食唔落，無要到。今日好似唔多alert影相所以無影低。飛機餐黎講，佢都算幾好食。
睇完馬達加斯加３就差唔多落機。入境過程算幾順利，又唔使點排隊。
行李帶附近的牆身都有超大幅帶泰國特色的壁畫。
大家不妨搵下呢個機場的外型，係一條螺旋形隧道黎，所以響入面都成日好似望唔到盡頭咁
又或者可以參考曼谷幫介紹，好詳細：
第一站：酒店
仲有就係好似好格格不入的聖誕樹，呢度咁熱辣辣，似放暑假多過過聖誕啦
咦！漏咗打開個電窗簾睇下咩環境！有Ｄ反光，不過都可以望到出面，景色都幾正架。大家稍為望下左下角就見到曼谷出曬名的車龍，因為怕塞車所以成個Trip都無坐過的士，但係亦因為咁花咗唔少時間坐BTS。
其實仲可以望到個大泳池，都幾吸引。可惜懶蟲唔敢游水～
出發搵食
行李帶附近的牆身都有超大幅帶泰國特色的壁畫。
出閘就見到一堆電訊公司counter，我哋響呢間買左Sim card上網。好彩早一步咋，一買完勁多人（可能因為我哋快拎到行李出閘）搞咗大約一個鐘，終於離開機場。
大家不妨搵下呢個機場的外型，係一條螺旋形隧道黎，所以響入面都成日好似望唔到盡頭咁
曼谷，we are here!
之前有提過少少，由機場去酒店會坐CityLine，去到Phaya Thai站再轉BTS 去Asok。機場行去地鐵的指示都尚算清晰，但係Ｄ扶手電梯就同平時見慣斜個D唔多一樣，係斜平斜咁設計，唔知有咩好呢? 上網睇資料提過，Express係紅色售票機，而普通的City Line就係藍色，仲以為D token 都係。其實佢係紅色架XD！
機場的city line D車迫迫地之餘仲舊舊地，明明呢條線開左無幾耐咋喎～ Side track 一下，呢條線開之前響機場走都係要坐的士。不過呢，上的士的時候會有一張紙寫左的士同車程的資料，好似幾點上車去邊度咁。唔知大家有無Keep起佢呢？原來係俾人有咩問題去投訴用，我個frd 唔講我會直接當垃圾丟左佢。
放多次SA City Line/Express 的官網Link：http://airportraillink.railway.co.th/en/index.html#
又或者可以參考曼谷幫介紹，好詳細：
坐到去轉車站，有唔少人都提過係無電梯的。拎行李落兩層樓梯都真係唔輕鬆。過天橋去對面BTS站。然後當然又要再買票。極之建議大家買儲值卡，因為票務處係無飛賣架！要排售票機，但係好多唔係咁新／大的站都係唔收紙幣的。BTS D飛要30/40 THB起跳(其實都好貴)，兩個人買一張都要差唔多十個大餅。大家有散銀都盡快用左佢啦，點會袋住四圍去。所以成要去票務處排隊換散紙，然後又排隊買飛。
Bts嘅哥哥幾好人，我哋響一邊入閘機折返去拎一邊諗住有電梯，佢就埋黎guide我哋。
曼谷幫BTS指南：http://bangkokgoplay.pixnet.net/blog/post/44964979第一站：酒店
出咗地鐵就衝左入T21行咗一圈先發覺衰衝動酒店入口響另一邊。要行過一條長走廊，牆身有Ｄ荷葉狀的裝飾，再落電梯就到大堂勒～
一入去就有人幫我哋keep行李，竟然即刻有房，所以即刻又拎返行李。如果有咩特別事，就係呢度Check-in要印曬住客嘅passport，唔止一本。
即刻參觀下咩環境先～
首先梗係大堂，大堂大堂，梗係大啦。樓底勁高，無論吊燈，擺設定裝飾的花花草草，全部都係King Size~~~Btw，大堂呢個似蓮花蕊的擺設由外形到用色真係好有泰國特色。即刻參觀下咩環境先～
仲有就係好似好格格不入的聖誕樹，呢度咁熱辣辣，似放暑假多過過聖誕啦
近年大家黎曼谷都興住Service Apartment，呢間響T21樓上的Grande Centre Point Hotel & Residence都係其中一間。所以唔同一般酒店得個放滿收錢零食汽水的雪櫃仔，有大雪櫃、Sink盆、抽油煙機、電池爐、微波爐，仲有洗衣機添。不過除左熱水壺同餐具其他懶蟲全部都無用過，有無都無所謂啦～
房呢，就同其他酒店房差唔多，幾大咁啦！床的兩邊都有床頭櫃，好方便。插座亦都算多，唔使爭用。而由床的右邊一路到浴室門都係入牆櫃，不過包埋鞋櫃，夾萬，熨斗等等，其實都淨返有限位。美中不足就係又用咗Ｄ防盜衣架，一定要將Ｄ衫掛入櫃，特別係無得掛毛巾唔多方便。
有梳化同小餐枱，隔離仲有長枱，實夠位擺野～
電視頻度都算多～
呢幅唔通係泰皇相？佢真係好無處不在噃
好勒！到咗通常最令人驚嘆的浴室，因為Upgrade咗，所以有個大浴缸。本來買定香噴噴的玫瑰花浴鹽，但係到最後都無浸到＞＜仲有就係呢個日本名物的自動座廁，不過呢，懶蟲真係唔係好慣用呢種座廁。成間房用白色做設計，簡單又光猛。不過細心Ｄ睇就發現白色同樣暴露咗清潔得唔夠乾淨同埋裝修變舊，好似浴缸，櫃邊，牆腳咁。
有梳化同小餐枱，隔離仲有長枱，實夠位擺野～
電視頻度都算多～
呢幅唔通係泰皇相？佢真係好無處不在噃
好勒！到咗通常最令人驚嘆的浴室，因為Upgrade咗，所以有個大浴缸。本來買定香噴噴的玫瑰花浴鹽，但係到最後都無浸到＞＜仲有就係呢個日本名物的自動座廁，不過呢，懶蟲真係唔係好慣用呢種座廁。成間房用白色做設計，簡單又光猛。不過細心Ｄ睇就發現白色同樣暴露咗清潔得唔夠乾淨同埋裝修變舊，好似浴缸，櫃邊，牆腳咁。
咦！漏咗打開個電窗簾睇下咩環境！有Ｄ反光，不過都可以望到出面，景色都幾正架。大家稍為望下左下角就見到曼谷出曬名的車龍，因為怕塞車所以成個Trip都無坐過的士，但係亦因為咁花咗唔少時間坐BTS。其實仲可以望到個大泳池，都幾吸引。可惜懶蟲唔敢游水～
出發搵食
hae咗陣，落T21求其打咗個白鴿轉，就出發去食tea。原來都差唔多3點架啦，有相為證。BTS 應該都係曼谷好重要的交通工具，講到佢懶蟲又諗起泰國愛情片<<下一站說愛你>>。呢套戲係以BTS為背景的，而成套戲入面有好多好多泰國人日常生活的特別野。唔知的話，當普通的愛情片睇都好正，前半好搞笑，後半好感人。前前後後，懶蟲起碼睇左3次。講返自己個旅行，T21 離BTS站有幾近? 望都望到，響正樓下咋！
交通：BTS：Asok＞Siam轉線＞Saphan Taksin
呢個Saphan Taksin響我地的行程中成日都出現，最慘又唔近我地酒店，所以用咗好多時間坐車。Saphan Taksin 呢個站係碼頭黎，所以要坐湄南河的船都係黎呢度架啦～
住寫咁多先，下次再寫響香港遊客間好出名的東方文華High Tea。
