遊記又面臨爛尾… 真心佩服可以好好寫遊記的朋友

有時候寫下寫下時間耐左，開始遺忘，也開始覺得無咩可以寫了。第二日嘅行程係行得最攰嘅，觀光日。同時遊記也很難寫。背景資料寫太多，又悶又要花很多時間搜集資料。剔除開背景資料又好似無咩內容咁。

第2天(Fri, 28th)：早餐：酒店早餐＞早：大皇宮+玉佛寺＞午：卧佛寺＞午餐：Siam Paragon Food Court＞午：Central World＞晚餐：水門雞飯＞晚：Divana Virtue Spa

上一篇：聖誕曼谷遊2012 - 第一天 (3)

首先落去食個早餐先，哇…好彩行快一步唔係要排長龍

查實餐廳好大，好快就有位。Service一般，無壞，嘢食先係懶蟲關心嘅問題。

因為唔好意思影出面嘅嘢食，得一張wide shot，都係影返自己個碟算啦。嘢食種類唔係多到嘩嘩聲嗰Ｄ，又唔係好吸引，不過熱盤真係值得一讚。

循例數一數

有自助沙律、各種火腿、麵包批餅、乳酪水果

當然仲有腸仔煎蛋薯餅pancake，炒麵炒飯，白飯蔬菜就無乜興趣勒
講下好食的熱盤：焗意粉、焗肉（呢個汁有Ｄ酸酸哋，好似酸梅排骨，最鐘意呢個）、椰汁雞、咖喱都好好食！

除左呢Ｄ，仲有中式白粥點心湯麵，敗家仔仲拎左粒綠色燒賣返黎！夠曬特色！

去旅行少食菜，早餐食多生果，不過生果無想像中咁甜，可能季節唔啱。

仲有一樣野要講一講就係唔落黎食早餐都唔知呢度真係好多好多好多香港人！！！無一半都有三分一係。基本上唔使聽，見到衣著裝扮就知道佢哋係香港人。然後我就同敗家仔講：「我覺得你真係太唔香港人啦！人哋個個黎泰國都係背心短褲踢拖，邊有人好似你咁短袖Tee長褲波鞋架！」咁佢就梗係懶得理我繼續食佢的早餐。

坐船去大皇宮咯！

食飽就出發去暴曬！呢日去行大皇宫，所以又係先坐BTS去碼頭再轉船。碼頭度好多人，條隊排到亂曬，因為同一個碼頭可以搭好多唔同的船。

事前懶蟲無特別Research過，諗住之前都係跟人搭就OK。因為大皇宮係「大站」所以唔使點擔心上錯船會無得落船，最多係慢Ｄ/貴Ｄ。另外，有Ｄ專俾遊客坐的靚船，有埋導遊介紹沿途景點。咁好服務，價錢當然貴Ｄ。貴幾多？大約一個double，我地回程個陣等左好耐都無船搭就坐左。

大家係上到船先買船飛的，即使隻船勁迫售票員都會行過黎賣飛。平船的飛就係一張大風Ｄ都吹咗去的紙仔（呢張相係上次去曼谷影的，寫曼谷遊記有唔少時候都係搵返上次個trip的相黎post），而貴船的飛就之後個張，差好遠啊（好像早前是25B的，加價加好多啊）！

船（水上巴士）的詳情可以留意返曼谷幫個Blog。

曼谷幫湄南河水上巴士及沿岸景點介紹: http://bangkokgoplay.pixnet.net/blog/post/45780624
Post 下坐船途經其他地方的相

曼谷大皇宮 The Grand Palace

網址：http://www.palaces.thai.net

地址：The Grand Palace, Bangkok, Thailand.

電話：02-623-5500 Ext. 1124, 3100

開放時間：08:30-16:30 (15:30停止售票)

費用：400B (包括大皇宮、柚木皇宮、錢幣博物館)

交通：坐BTS到Saphan Taksin站下車走到碼頭Central Pier轉船到N9 Tha Chang 再走過去

＊穿著要求：裙或褲要遮過膝蓋，上身不能露出肩膀和腰，不能穿拖鞋

曼谷大皇宮維基百科：http://zh.wikipedia.org/wiki/%E6%9B%BC%E8%B0%B7%E5%A4%A7%E7%9A%87%E5%AE%AB

如果有針對大皇宮的行程既遊覽備忘的話，應該要提醒大家3件事，帶水、做足防曬措施和穿易於脫下、穿上的鞋（還不趕緊抄一下筆記？！）。其實這些在適用在參觀其他廟宇的行程啦！

呢個站好多人落船，落左船跟住人行就可以去到大皇宫。碼頭旁邊會有好多小食攤，有興趣既朋友不妨試下。我就硬係覺得坐響度食嘢好熱，試諗下大熱天時去大排檔食飯...

無扼你架！你睇下真係好多人... 右邊白色的當然係大皇宮的圍牆，行到差唔多最尾就係入口，沿路會還到好多tuk tuk 司機搵生意～

大皇宮其實好大，響導覽圖的背面有一個全景，可以見到大家主要遊覽在左下角的部分其實大概只佔其中的四分一。

呢Ｄ建築物響入口的草坪已經見到啦！

今次再黎真係超多人，一入去淨係見到好多人... 不過唔使擔心，大家先check 下自己衣著岩唔岩。背心、短褲、短裙一律不OK，唔該轉右去借披肩。既然諗住黎皇宮奉勸事先準備一下，最好唔使去借，因為旅遊旺季真係超多人，淨係排隊借、排隊還都有排搞。衣著OK的朋友就可以無視右邊個堆人直接行入去正門的售票處。

入口個牌上面特登大大大隻字寫住每天開放，大家稍有爬文應該知道點解。事緣之前有好多被騙，Tuk Tuk / 的士司機話個日唔開或者已經關門然後就載遊客到其他地方去觀光購物。

同借衫的一樣，售票處都係曬長龍... 又曬又熱所以排隊的廿分鐘好漫長。有幾個人的話都係接力排會好Ｄ。票價 400 B 一個人，其實唔平，幾年前才350B

呢張飛係包埋錢幣博物館同柚木皇宮的。呢部分係大皇宮的

呢個就係柚木皇宮的。但係柚木皇宮就好少人會去埋啦... 因為唔近，要特登再打的去。本來懶蟲打算今次去架，但係最後都放棄左.... 加上佢唔俾影相，自然少人寫，少人寫知名度自然低D，自然無咁多人去。門票七日內有限，真係想去的朋友可以參考這個Blog的遊記：http://www.wretch.cc/blog/tawei1980/21701018