澳門喪食Trip @ 6-7 Aug 2011 (3)

６　Ａｕｇ　２０１１

Ｅｖｅｎｉｎｇ

去到銀河，左搵右搵唔識路，結果都係問reception. 銀河有好多好高的人妖姐姐迎賓

銀河門口的噴水池，好七彩繽紛，可惜Ｄ水會濺到四周圍濕曬

結果銀河的buffet 都 full booking
一場黎到無得食buffet 唯有行下shopping mall, 不過都係得個行字, 樣樣都咁貴, 完全買唔起
行完一輪, 終於有一樣我地係買得起的, 就係 jelly belly 
有超多唔同的味, 但係所謂千揀萬揀揀著個爛燈盞.不幸中伏, 揀左好難食的熱情果味同好假的朱古力味

循例都要去賭場打個白鴿轉。銀河的賭場比起其他的光猛得多但另一方面又冷清得多，得小貓三兩隻

在銀河空手而回，唯有回歸威尼斯人。哇！威尼斯人真係無時無刻都咁多人。因為威尼斯人係無 booking, 大家齊齊排隊所以可以一償我地食buffet 的心願。不過呢個buffet 都好麻麻地
 

凍蟹ok 蝦唔新鮮, 得個樣 

然後大家就諗起初戀奶茶,齊齊話唔要初戀嘅感覺,要熱戀嘅感覺, 跟住被解讀成熱戀=翻騰=fountain. btw, 
佢枝攪攪棍好得意 
  

甜品麻麻地好食。mousse 好淡。blue berry cheese 好硬 

仲有就係每次waiter 都會講唔同語言,有廣東話,有普通話又有英文,唔知下次會唔會講葡語
去威尼斯會迷路因為D路左轉右轉,門牌號碼又唔係順住排。而我地印證左原來去威尼斯人都會一樣會迷路。為左去agnes b, 睇左4次電子路牌,結果都係問人最實際,不過都要問左兩次先到。
食完buffet 當然行下街,消化下。然後齊齊買鞋，但係有人好唔合群...

行呀行，舖頭都關門了，我地都要返酒店，又要響的士站排長龍
去到酒店樓下，係時候 buy a drink，但係附近只有７－１１。唔理，照殺！然後就發覺大家都好掛住 diamond black
沖涼就發現... 
呢間酒店都係用呢種響外面拉的窗簾,個設計真係無得頂
經過疲累的一天, 我竟然失眠 :(

P.S. 澳門喪食Trip 其他部分:

Part 1

Part 2

Part 4